Wikipedya

Gikan sa Wikipedia, ang gawasnong ensiklopedya

   

Ang Ingles nga bersiyon ning maong panid mahimo mong mahubad ngadto sa Binisayang Sinugboanon.

Ang logo sa Wikipedya.

Ang Wikipedya usa ka multilingguwal gambalayan-ong libreng ensayklopedya. Kini gisulat sa mga bolunter pinaagi sa programa sa kompyuter nga gitawag og wiki, nga naghatag kapabilidad sa matag gumagamit nga momugna ug mosulat og mga artikulo. Ang proyekto nagsugod sa Enero 15, 2001 isip komplemento sa sinulat sa mga batid nga Nupedia, ug karon gidumala sa Wikimedia Foundation nga nagbase sa Florida, Tinipong Bansa. Ang Iningles nga bersiyon sa Wikipedya may 810,000 ka artikulo (Nob. 2005).

Niadtong Hunyo 22, 2005, ang Sinugboanong Wikipedya namugna. Kini karon may 34,524 na ka artikulo.

Ang mga artikulo sa Iningles nga Wikipedya regular nga gikutlo sa medya ug sa akademiya, kinsa midayeg niini tungod sa libreng distribusyon, pag-usab, ug halapad nga coverage. Ang mga editor gidasig sa pagsunod sa palisiya sa "neyutral nga panlantaw" diin ang tanang notableng perspektibo gisumariya sa walay paninguha nga makab-ot ang usa ka obhetibong kamatuoran.

May dili mokubos 200 ka edisyon sa Wikipedya sa lain-laing pinulongan. Ang kinadak-an niini mao kining mosunod: Iningles, Aleman, Prinanses, Hinapon, Polish, Italyano, Swedish, Inolandes, Pinortuges, ug Kinatsila.

Sa Pilipinas, may lima na ka Wikipedya sa lumadnon tang mga pinulongan. Kini ang mosunod (segun sa pagkahimo): Tinagalog, Capampangan/Pampango, Binisayang Sinugboanon, Binisayang Waraynon, ug Ilokano.